“Yaadka Bastiharu (Song Collection)”
“Yaadka Bastiharu – Published in 2021 (2078 B.S.) by Pushparag Sahitya Pratisthan
A deeply moving collection of songs, where memories are gathered like flowers and strung together like a garland, creating an emotionally rich and tender lyrical experience.”
"यादका बस्तीहरू" गीतिसङ्ग्रहबाट केही आधुनिक गीतहरू
पराइ भयौ छिन्मै तिमी
पराइ भयौ छिन्मै तिमी मेरो मुटु जलाएर ।
कसरी सक्यौ भुल्न मेरो मुटुमा आगो लगाएर ।
मभन्दा नि माया गर्ने मुटु कतै भेट्यौ कि ?
तिम्रो याद्नि लैजाऊ सँगै यतै कतै छुट्यो कि ?
उठाउनु पर्दैन बास यो सहर नै छोडी जाँदैछु ।
खाएका सबै ती बाचा कसम सबै आज तोडी जाँदैछु ।
खोज्दैढु बहाना अनेक तिमिबिना जिउने ।
च्यातिएको यो मन मेरो अब केले सिउने ?
पीडा दिई गयौ तिमी मेरो ज्यानै गलाएर ।
के पायौ आखिर म बस्ने दिलमा अरूलाई नै बसाएर ।
रेकर्डिङ् मितिः २०७४ मंसिर ८ , शुक्रबार
स्वर तथा सङ्गीत – सागर अधिकारी (शरद)
तिमी मरेर गयौ भन्ने
तिमी मरेर गयौ भन्ने विश्वास हुन्न अझै मलाई ।
यहीँ कतै छ्यौकी भनी चित्त बुझाउँछु आफूलाई ।
के सारो गार्हो भो तिमीबिना एक्लै जिउनलाई ।
नयन पनि रित्तिई सक्यो छैन आँसु फेरि रुनलाई ।
झल्झली सम्झी रुन्छु अझै तिम्रो त्यो चिता जलेको ।
सकिनँ मेट्न त्यो याद अझै मेरै काखमा तिमी ढलेको ।
दुख्छ यो छाती चिरी कसरी देखाउनु अरूलाई ।
आकाशमाथि भए पनि आउन एकैछिन भेट्न मलाई ।
थाम्नै सकिनँ गीत लेख्दा सम्झै झनै रोइर’छु ।
छट्पटी भो तिमी जल्ने चितामा जली किन मरिन’छु ।
रेकर्डिङ् मितिः २०७५ – साउन – शुक्रबार
स्वर तथा सङ्गीत – सागर अधिकारी (शरद)
स्वर फिमेल भर्सन – मेनुका पौडेल
मन दुख्दा फूल्ले पनि
मन दुख्दा फुल्ले पनि बिझाउँदो रैछ ।
सपना फुट्दा जून्ले पनि खिजाउँदो रैछ ।
फुलेर जीवन यहाँ फूलझैँ झर्दो रैछ ।
सयौँचोटि बौरिएर हजारचोटि मर्दो रैछ ।
यहाँ हाँसो र आँसुको मोल कहाँ छ र ?
हाँस्नु पनि यहाँ आँसु बेच्नु पर्दो रैछ ।
उखेली यौवन यहाँ रोपेझैँ गर्दो रैछ ।
एकचोटि दिएर हजरचोटि हर्दो रैछ ।
यहाँ जीवन र मृत्युको मोल कहाँ छ र !
हाँस्नु पनि यहाँ आँसु बेच्नु पर्दो रैछ ।
रेकर्डिङ् मितिः 2023/6/18
Composing & arranging – Rajendra Bajgain
Vocal – Sabin Subedi
तिमी आयौ बनी जिन्दगीको
तिमी आयौ बनी जिन्दगीको सुनौलो बिहानी ।
यही लेखियो किताबमा तिम्रो र मेरो कहानी ।
तिमी नै हौ जून मेरी तिमी नै हौ मन्की तारा ।
तिमी नै हौ वैशाखी तिमी नै जीवनको सहारा ।
कुर्दाकुर्दै रात हुन्छ कुर्दाकुर्दै बित्छ दिन ।
किन यस्तो हुन्छ लाग्दैन मन छुट्टिन एकै छिन ।
यो नयनभित्र तिम्रै तस्बिर सजाएँ मैले ।
चरीझैँ उडी जाँदा यही गीत गाएँ मैले ।
यति धेरै बाडुलीले सम्झिन्छ तिम्लाई किन ?
किन यस्तो हुन्छ लाग्दैन मन् छुट्टिन एकै छिन् ।
Compose,
arranging
& Vocal – Suno AI free version